خـــــوږه مینه/بهار مستغفر

26-09-2016

---

بهار مستغفر

ته! خوږ یې او ښه خوږ یې چي مینه دي خوږه لګي

ټول ښــــــــکلي در ځار شه پر بل چا مي کله زړه لګي

ستا د وصل لاره کې اغزیو نه هم خــــــــــــوند اخلم

دومره وي پاسته لکه ګـــــــــــــلونه چي پر پښه لګي

چاته چي جــــــانانه! ستا د مـــیني نوم ورپوري شي

هغه په همــــــــځولو کې کټ مټ لکه ډېـــــــوه لګي

څه خبره نه ده که تور مــــــــخو ته مجرم ښـــــکارم

دوی ته د گلــــــفام دوی ته د مــــــــینې پته څه لګي

څه به کړي ګـــلاب ریحان چي ستا لاس نیوی ونکړي

شات ورته غوټ مات شي چي کوم ځای کي دي نامه لګي

وغوړیږي وځلیږي ویښ یې کړي رنګــــــــــین (بهار)

کوم یو تږي ګـــــــل باندي چي ستا نــــظر وږمه لګي

دوشنبه ۲۵ / ۱۲ / ۱۴۳۷ هـــ ق د هجرت دیار